Emri : TID Tower Albania

Vendodhja: Rr.Abdi Toptani, Tiranë

Sipërmarrësi: T.I.D shpk, AGNA Investitor shpk

Projektuesi: 51N4E  (http://www.51n4e.com)
Sipërfaqe: 46.000 m2 (28 kate, 4 nëntokësore , 85 m lartësi)

Funksioni: Zyra Biznesi, Hotel , Banim..etj

Gjëndja: Në ndërtim

Vlera: ~50.000.000 €

Tashmë është bërë e pamundur të kalosh rrugëve të Tiranës dhe të mos të zëri syri këtë kullën e madhe që është vendosur menjëherë pas ndërtesës së Bashkisë së Tiranës në qendër të kryeqytetit. Kulla është më e larta që është ndërtuar ndonjeherë në territoret Shqiptare, plot 85 metër e lartë dhe  është pjesë e masterplanit ambicioz të ri për qytetin, i cili dëshiron të bëjë rreth dhjetë kulla në të gjithë territorin e qendrës.

Ashtu si cdo gjë e madhe dhe e rëndësishme, kjo ndërtesë “monstruoze” nuk mund të mos i ndante shqiptarët në dy reagime të ndryshme ekstreme. Një pjesë e shoqerisë e shohin si një ndërtesë të vecantë që na sjell më afër me standartet e kryeqyteteve europiane ndërsa pala tjetër e sheh si një “atentat” që i është bërë qëndrës së qytetit dhe arkitekturës shqiptare në përgjithësi. Reagimet kanë qënë te shumta dhe të shumëllojshme nëpër të gjitha portalet e medias së shkruar dhe televizive por tashmë kjo ndërtesë është një realitet i pakthyeshem.

Kjo ndërtesë i ka fillimet në vitet 2007 dhe tashmë është drejt përfundimit. Duke filluar si elips dhe përfunduar si një drejtkëndësh, ndërtesa ka një formë të thjeshtë e cila kap plotësisht dritën mesdhetare të Tiranës dhe gjeneron një gamë të gjerë të hijeve.

Ajo përbëhet nga 24 kate dhe 4 kate nëntokësorë me 370 hapësira parkimi të dizajnuara vetëm për ndërtesën. Po aq i rëndësishëm sa silueti i ndërtesës është edhe baza e kullës. Baza është e organizuar rreth një galerie të hapur qëndrore.

Plani i katit përdhe – Baza e Kullës.

Plani katit tip i kullë

Një nga cepat  e bazës është prerë si pasojë e ruajtjes së varrit të Sulejman Pashes, I cili gjendet aty prej shume vitesh. Kjo ndërthurje midis historis së qytetit të Tiranës dhe asaj që po ndërtohet tashmë rezulton një kombinim grotesk por gjithsesi moment interesant urban.

Pamje nga Interieri

I pëlqen apo jo kjo ndërtesë dhe ajo cka po ndodh me arkitekturën në këtë vend  shqiptarëve, ju si mendoni?